विजयादशमीको मुख्य दिन टीका लगाउन नपाएका नेपालीहरूले आज आश्विन शुक्ल एकादशीका दिन पनि टीका र जमरा लगाइरहेका छन्।
नेपाली समाजमा कोजाग्रत पूर्णिमासम्म टीका लगाउने चलन रहेको संस्कृतिविद् वेदमणि भट्टराईले बताए। पूर्वी र मध्य नेपालमा पूर्णिमासम्म टीका लगाउने परम्परा कायम छ भने पश्चिम नेपालमा दशमीको भोलिपल्टसम्म मात्र टीका लगाउने चलन रहेको छ।
यसै दिन पापाङ्कुशा एकादशी पनि मनाइँदैछ। व्रत बसे विगतका पापहरू क्षमा हुने धार्मिक विश्वास छ।
