राष्ट्रिय स्वतन्त्र पार्टी (रास्वपा) का सभापति रवि लामिछानेलाई रुपन्देहीबाट पोखरा फर्काइएको छ ।
रुपन्देहीको भैरहवामा तीन दिन लामो बयानपछि पूर्वगृहमन्त्रीसमेत रहेका लामिछानेलाई यती एयरलाइन्सको जहाजमार्फत् भैरहवाबाट पोखरा फर्काइएको हो
बुटवलको सुप्रिम सहकारी संस्थाको १४ करोड २९ लाख बचत रकम अपचलन प्रकरणमा बयानका लागि उनलाई भैरहवा लगिएको थियो ।
उक्त सहकारीको १ करोड ९६ लाख रुपैयाँ सिधै रविको खातामा आएको भेटिएको थियो । त्यही क्रममा संगठित अपराधअन्तर्गतको अभियोगमा जिल्ला सरकारी वकिल कार्यालय रूपन्देहीमा मंगलबारदेखि थालिएको बयान बिहिबार राति सकिएको थियो ।
