काठमाडौँ महानगरपालिकाका प्रमुख बालेन शाहले आफू धेरै बोल्ने भन्दा पनि काम गर्ने बताएका छन् । बिहीबार काठमाडौँ महानगर वडा ८ को प्रशासनिक भवन समुद्घाटन कार्यक्रममा बोल्दै उनले यस्तो बताएका हुन् ।
प्रमुख शाहले सबैले भाषण भन्दा पनि काम गर्न जरुरी रहेको बताए । उनले कार्यक्रमहरूमा लामो सम्बोधन र भाषण गरेर समय लिने भन्दा पनि काममा समय दिनुपर्ने बताए । उनले भवन उद्घाटनमा ठुलो कार्यक्रम गरिरहनु नपर्ने बताए । उनले २२ वर्षको मेहनतले सम्पदा शैलीमा वडा भवन बनाएकाले आकर्षक देखिएको बताए ।
