चीनको भ्रष्टाचार विरोधी निकायले चिप टाइकुन चाओ वेइगुओ विरुद्ध भ्रष्टाचारको आरोप लगाएको छ । देशको सेमी कन्डक्टर उद्योग सङ्कटमा परेको बेला यी आरोपहरू आएका हुन् ।
चाओ कम्प्युटर चिप निर्माता सिङ्गुआ युनिग्रुपका पूर्व अध्यक्ष हुन् । सरकारले सेमी कन्डक्टर उद्योगमा अर्बौँ डलर लगानी गरेको थियो तर यति हुँदा हुँदै पनि यो प्रस्ताव रोकिएको थियो र यो असफल भएको थियो । त्यसपछि गत वर्ष यस उद्योगसँग आबद्ध धेरै व्यक्तिको भ्रष्टाचार अनुसन्धान सुरु भएको थियो ।
चाओ र सिङ्घुआ समूहले बीबीसीलाई प्रतिक्रिया दिएको छैन । आफ्नो विज्ञप्तिमा, सेन्ट्रल कमिसन फर डिसिप्लिन इन्स्पेक्सनले चाओले ‘सरकारी कम्पनीलाई आफ्नो व्यक्तिगत जग्गाको रूपमा प्रयोग गरेको’ आरोप लगाएको छ ।
चाओले आफ्ना आफन्त र साथीहरूलाई नाफामुखी व्यवसायहरू हस्तान्तरण गरेको र उनीहरूले आफूसँग सम्बन्धित कम्पनीहरूबाट बजारभन्दा बढी मूल्यमा सामान र सेवाहरू किनेको संस्थाले बताएको छ ।
