गायक युगल गुरुङ र गायिका बर्तिका एम राईले विवाह गरेका छन्।
उनीहरूले बिहीबार पारिवार, नजिकका आफन्त र साथीभाइको उपस्थितिमा विवाह गरेका हुन्। युगल र बर्तिकालाई साथीहरूले सामाजिक सञ्जालमार्फत बधाई दिइरहेका छन्।
युगल र बर्तिका दुवै अहिलेका चर्चित गायक गायिका हुन्।
गायक युगलले ‘यो पर्खाइ, आफ्नो संसार, कोठा, सहारा, लुकामारी, कहाँ छौ, कुरा’ लगायत गीत गाएका छन्।
गायिका बर्तिकाले ‘तिमी र म, नजिक, उमेर, बाँकी, खुसी, घर, सम्झना, खै’ लगायत गीत गाएकी छन्।
