जिल्लाको व्यास नगरपालिकाले आयोजना गरेको छैटौं व्यास नगर अल्ट्रा म्याराथन २०७९ को उपाधि व्यास–७ का विशाल गुरुङले जितेका छन् । सहिद दिवसका अवसरमा नगरपालिकाले वडा नं. ५ मानुङकोटदेखि वडा नं. ८ पुलिमराङसम्मको ४४ किमि दूरीको अल्ट्रा म्याराथन ३ घण्टा २६ मिनेटमा पूरा गर्दै गुरुङले उक्त उपाधि जितेका हुन् ।
प्रतियोगितामा व्यास–६ का सहास पन्थले उक्त दुरी ३ घण्टा ३६ मिनेटमा पार गर्दै द्वितीय र आँबुखैरेनी गाउँपालिका १ का सनम गुरुङले सोही दुरी ३ घण्टा ३८ मिनेटमा पूरा गर्दै तृतीय भएका छन् ।
