गजेन्द्रबाबुले निर्माण गरेको पथका पथिकहरूले उनको नीति, त्याग र संघर्षको चरित्रलाई अंगीकार गर्नुपर्दछ, अन्यथा मधेश र देशलाई सही गन्तव्यमा पुर्याउन सकिन्न न त आफैं पनि पुग्न सकिन्छ ।
गजेन्द्रनारायण सिंहलाई नेपालमा जातीय विभेद, शोषण, उत्पीडन, दमनविरुद्ध समतामूलक समाजको स्थापना र राष्ट्रको राजनीतिक, सामाजिक, आर्थिक परिवर्तनका लागि आजन्म संघर्षरत व्यक्तित्वको रूपमा स्मरण गरिन्छ ।
मुलुकमा राणा र राजाको एकपछि अर्को निरंकुश तानाशाहीको खिलाफ प्रजातन्त्र/लोकतन्त्रका लागि, एकात्मक शासनको खिलाफ स्वायत्त/संघीय शासनको लागि र जातीय एकाधिकारवादको खिलाफ सामाजिक समरसत्ताका लागि जीवनपर्यन्त संघर्षशील व्यक्तित्वको रूपमा उनलाई चिनिन्छ ।
