समयमै फिल्म छायांकन सुरु नभएको भन्दै अनमोल केसी फिल्म ‘एक्स नाइन’बाट बाहिरिए । उनले लिएको पेश्की रकम पनि निर्मातालाई फिर्ता गरे । अनमोलले नै छाडेपछि फिल्मको भविष्य अन्योलमा परेको अनुमान भइरहँदा निर्माताले अभिनेता प्रदीप खड्कालाई प्रस्ताव गरेका छन् ।
निकट स्रोतका अनुसार अनमोलले छाडेको भोलिपल्टै निर्माताले प्रदीपलाई उक्त रोलमा प्रस्ताव गरेका थिए । तर यो फिल्म खेल्न प्रदीपले एउटा सर्त राखेका छन् । त्यो हो, यसअघि घोषणा भएअनुसार बलिउड अभिनेता सुनिल सेट्टी पनि फिल्ममा हुनुपर्ने । यदि सुनिल पनि फिल्ममा भए प्रदीपले फिल्म ‘एक्स नाइन’ गर्ने ग्रीन सिग्नल दिएका छन् ।
