अभिनेत्री साम्राज्ञी राज्य लक्ष्मी शाह फिल्म ‘तिम्रो मेरो साथ’ को प्रचारमा राम्रै खटिएकी थिइन् । निर्माण युनिटले आयोजना गरेको कार्यक्रमदेखि फिल्मको प्रचारमा आयोजित मोफसल टुरमा समेत उनको सहभागीता थियो ।
फिल्म रिलिजको भोलिपल्ट भने उनी ‘तिम्रो मेरो साथ’ छाडेर यही माघ २० गतेबाट प्रदर्शनमा आउन लागेको नयाँ फिल्म ‘ह्यारी कि प्यारी’ को प्रचारमा हिँडिन् । उनी अहिले सोही फिल्मको प्रचार प्रसारमा हिँडिरहेकी छन् ।
