काठमाडौं । यति बेला नेपाली फिल्म ‘सम्झना बिर्सना‘ हलमा चलिरहेको छ । पटक पटक रिलिज मिति सारेर असार ३१ गते यो फिल्म रिलिज भएको छ । पहिलो दिन राम्रो ओपनिङ गरेपनि दोस्रो दिन भने बिस्तारै दर्शक घटेको छ ।
आफुले अभिनय गरेको फिल्ममा कलाकारहरूले प्रचारप्रसारमा खटिनुपर्ने हो । तर अभिनेत्री पुजा शर्मा ‘म यस्तो गाउँछु २’ चलाउन अस्ट्रेलिया बिना जानकारी दिई उडिन । गत साताको पत्रकार सम्मेलनमा पुजा उपस्थित भईनन् । अहिले निर्माण टिम र अभिनेता आकाश श्रेष्ठ खटिरहेका छन् ।
फिल्मको पब्लिसिटिमा साथ नदिएपछि निर्माता आदित्य प्रधान असन्तुष्ट भएका छन् । निर्माता प्रधान भन्छन् ‘ मलाई पुजा शर्माले धोखा दिइन । मेरो फिल्म राम्रो बनेको छ तर प्रमोसनमा नहिडेर फिल्मलाई असर गर्यो । म मेरो लगानी उठाउँछु , म भारत को विभिन्न ठाउँमा फिल्म लगाए भएपनि लगानी उठाउँछु ।
निर्माता अझै थपछन् ‘ यो फिल्म पुजाको शर्मा को मात्र हैन । यसमा अरु कलाकारहरु पनि छन् । उनीहरुको भबिस्य जोडिएको छ । नयाँ निर्माता लाई साथ र सपोर्ट गरेर नेपाली फिल्म इन्ड्रस्टीलाई चलाएमान राखौ ।’
