सिरहामा इनार भित्र एक व्यक्तिको शव फेला परेका छ । फेला पर्नेमा जिल्लाको गोलबजार नगरपालिका २ टुड्किया निवासी ४८ वर्षीय ज्ञानचन्द्र भन्ने विष्णुदेव साहको रहेका छन् । उनी श्रीमतीको औषधी लिन मंगलबार अपरान्ह घरबाट निस्केका साहको शव आज बिहान गाउँकै इनारभित्र फेला परेको हो ।

औषधी लिएर तुरुन्तै फर्किहाल्छु भन्दै साइकलमा गएका उनी राती अबेलासम्म घर नफर्किएपछि खोजतलास सुरु गरिएको थियो । बिहीबार बिहान गाउँ नजिकैको इनारभित्र साइकलसहित उनको शब फेला परेको प्रहरीले जानकारी दिएको छ । शव इनारभित्रबाट बाहिर निकाल्ने प्रयास भइरहेको प्रहरीले जनाएको छ ।

यता मृतकका श्रीमती शिवोदेवी साहले रिसिबीका कारण उनको हत्या भएको आरोप लगाएकी छन् । गाउँकै केही व्यक्तिले बाटो बनाउने विवादमा विष्णुदेवलाई मारिदिने धम्की दिँदै आएको बताइन् । साह एक महिना अघिमात्र वैदेशिक रोजगारीबाट घर आएका थिए । गाउँका स्थानीयवासीसँग आरसीसी ढलान गर्ने विषयमा उनको विवाद हुँदै आएको बताइएको छ ।