कैलालीमा थुनामा रहेका एक व्यक्ति हत्कडीसहित फरार भएका छन् । फरार हुनेमा घोडाघोडी २ साडेपानीका २४ वर्षीय कृष्ण पाण्डेय रहेका छन् ।
साडेपानीका पाण्डेय र प्रकाश शाहलाई जेठ १४ गते लागुऔषध कारोबारको मुद्दामा प्रहरीले पक्राउ गरी थुनामा राखेको थियो । दुवैजनालाई मेडिकल जाँचका लागि स्थानीय घोडाघोडी अस्पताल लगिएको थियो । अस्पतालबाट फर्कने क्रममा पाण्डेय फरार भएको जिल्ला प्रहरी कार्यालयका प्रहरी नायव उपरिक्षक (डिएसपी) बेद जोशीले जानकारी दिए ।
फरार भएका पाण्डेको खोजी भैरहेको प्रहरी नायव उपरिक्षक जोशीले जानकारी दिए ।
