चलचित्र ‘कबड्डी ४’को प्रदर्शन रोकिएको छ ।
सोही चलचित्रकि अभिनेत्री मिरुना मगरलाई ‘दुर्व्यवहार’ गरेको आरोपमा पक्राउ एक युवकलाई रिहाइ गर्न माग गर्दै प्रदर्शन चर्किएपछि चावहिलस्थित एफक्युब मल्टिप्लेक्सले फिल्म प्रदर्शन गर्न रोकेको हो ।
एफक्युब सिनेमा हल रहेको भवन केएल टावरबाहिरको स्थिति तनावग्रस्त बनेपछि मध्यान्ह १२ बजेको शो स्थगित गरिएको हो । हल प्रशासनका अनुसार स्थिति सामान्य बनेपछि मात्रै फिल्म प्रदर्शन हुनेछ ।
फिल्म प्रदर्शनका क्रममा सिभिल मलको एक कफी सपमा एक बौद्ध भिक्षुले आफूमाथि ब्याड टच गरेको भन्दै लामालाई झापड हानेकी थिइन् । उनले आफूमाथि दुर्व्यवहार गरेको भन्दै प्रहरीको जिम्मा लगाएकी थिइन् ।
