डोटीमा जीप दुर्घटना हुँदा आठ जना घाइते भएका छन् । जिल्लाको सायल गाउँपालिकाबाट दिपायलका लागि छुटेकाे सुदूरपश्चिम प्रदेश ०१-००१ ज १३९४ नम्बरको जीप तेलपारा भन्ने ठाउँमा आज बिहान दुर्घटनामा परेकाे हाे ।
दुर्घटनामा परि घाइते भएकामध्ये दुई जनाको अवस्था गम्भीर रहेकाे जिल्ला प्रहरी कार्यालय डोटीले जनाएको छ ।
गम्भीर घाइते भएका दुवै जनालाई उपचारका लागि दिपायल पिपल्लामा रहेको शैलेश्वरी अस्पताल लगिएको छ । अन्य घाइतेको स्थानीय स्वास्थ्य चौकीमा उपचार भइरहेको छ । जीपमा १४ जना रहेका प्रहरीले जनाएको छ।
जीप चालकलाई नियन्त्रणमा लिइएको र घटनाबारे थप अनुसन्धान भइरहेको जिल्ला प्रहरी कार्यालय डोटीले जनाएको छ।
