कास्कीमा कार र मोटरसाईकल ठोक्किँदा बाबू छोरिको मृत्यु भएको छ । मृत्यु हुनेमा ४५ वर्षीय बाबु जीतबहादुर पुन र उनकी १८ वर्षीय छोरी सविना पुनको मृत्यु भएको हो ।
पोखराबाट जाँदै गरेको ग३च ३५२५ नम्बरको कारले पोखरा आउंँदै गरेको ग १८ प ८१९१ नम्बरको मोटरसाइकललाई अन्नपूर्णमा ठक्कर दिदा सविनाको घटनास्थलमै मृत्यु भएको थियो भने जीतबहादुरको उपचारको क्रममा अस्पतालमा मृत्यु भएको हो ।
कारको ठक्करबाट बाबुछोरीले ज्यान गुमाएपछि आफन्तहरूले जिल्ला प्रहरी कार्यालय कास्कीमा धर्ना दिएका छन् । जिल्ला प्रहरी कार्यालय कास्कीबीच अहिले परिवार र आफन्तले वार्ता गरिरहेका छन् । उनीहरूले कारका फरार चालकलाई पक्राउ गरी कारबाही गर्न माग गरेका छन् ।
