राष्ट्रिय प्रजातन्त्र पार्टी (राप्रपा) ले आज बुधबार चुनावी प्रतिबद्धता पत्र सार्वजनिक गर्ने भएको छ ।
आगामी बैशाख ३० गते हुने स्थानीय तहको निर्वाचनका लागि दलहरूले आफ्ना प्रतिबद्धताहरु सार्वजनिक गरिरहेका वेला राप्रपाले पनि आफ्नो प्रतिबद्धता सार्वजनिक गर्न लागेको हो ।
स्रोतका अनुसार आज दिउँसो २ बजे पार्टी कार्यालय धुम्बाराहीबाट अध्यक्ष राजेन्द्र लिङ्देनले स्थानीय तह निर्वाचनका लागि प्रतिबद्धता पत्र सार्वजनिक गर्ने भएका हुन् । घोषणापत्रमार्फत राप्रपाले पार्टीको प्रतिबद्धता र योजना ल्याउने तयारी गरेको छ ।
