काठमाडौको बौद्ध स्थित एक खाजाघरमा अनलाइन बिङ्गो खेलिरहेका १६ जना पक्राउ परेका छन् । बौद्ध प्लाटिङस्थित खाजा घरमा अनलाईन बिङ्गो खेलिरहेको अवस्थामा सिन्धुपाल्चोक घर भइ कागेश्वरी मनोहरा नगरपालिका-७ शिवचोक बस्ने २५ वर्षीय पासाङ शेर्पा लगायत १६ जनालाई आइतबार साँझ प्रहरीले पक्राउ गरेको हो ।
प्रहरीले उनीहरूको साथबाट नगद ७४ हजार १ सय ५० रूपैयाँ सहित १ हजार ५ सय पिस बिङ्गो टिकट र २ थान स्पिकर समेत बरामद गरेको छ । यस सम्बन्धमा प्रहरीले थप अनुसन्धान गरिरहेको जनाइएको छ ।
