नेकपा एमालेका उपाध्यक्ष ईश्वर पोखरेलले वैशाख ३० गते हुने स्थानीय तहको चुनावमा माओवादी केन्द्रसँग कुनैपनी हालतमा गठबन्धन नहुने दाबी गरेका छन् ।
प्रेस चौतारी नेपाल चितवनले आज बिहान भरतपुरमा आयोजना गरेको पत्रकार भेटघाट कार्यक्रममा बोल्दै प्रचण्डले कम्युनिष्ट पार्टी विभाजन गरेर कांग्रेसलाई सत्ता सुम्पिएको भन्दै गठबन्धन नहुने दाबी गरेका हुन् ।
यसै क्रममा उनले विचार र कामको आधारमा निर्वाचन हुने भएकाले पाँच गठबन्धन आए पनि एमाले एक्लै काफी हुने उनले दाबी गरे । ‘हामीले गरेका काम र आगामी दिनमा गर्ने कामको प्रतिबद्धताका आधारमा चुनाव जित्ने हाम्रो प्रयत्न हो’ उनले भने ।
