काठमाडौंको शंखमूलमा खुकुरी प्रहार गरेको आरोपमा पाँचजना पक्राउ परेका छन् ।
पक्राउ पर्नेमा काठमाडौंको जडिबुटीमा बस्ने १९ वर्षीय राजेश बुढाथोकी, जडिबुटी बस्ने ३४ वर्षीय रोशन लामा रहेका छन् । यस्तै मध्यपुर ठिमी नगरपालिका-९ बस्ने २३ वर्षीय पुकार केसी, भक्तपुर, राधेराधे बस्ने २३ वर्षीय प्रवीण नेपाल र जडिबुटी बस्ने २७ वर्षीय संजीव मोक्तान रहेको महानगरी अपराध महाशाखाले जनाएको छ ।
पक्राउ परेका उनीहरुलाई ज्यानसम्बन्धी कसूरमा थप अनुसन्धान र कारबाहीका लागि महानगरीय प्रहरी वृत बानेश्वरमा पठाइएको छ ।
यसअघि काठमाडौंको शंखमुलमा दुई समूहबीच झगडा हुँदा एक जना गम्भीर घाइते भएका थिए ।
