पूर्वमन्त्री प्रेमबहादुर सिंहले नेकपा एमालेमा प्रवेश गरेका छन् । समाजवादी जनता पार्टीको नेतृत्व गरेका उनले आफूसहित सिङ्गो पार्टीलाई एमालेमा समाहित गराएका छन् ।
उनलाई आज काठमाडौंमा आयोजित कार्यक्रममा एमाले अध्यक्ष केपी शर्मा ओलीले स्वागत गरेका छन् ।
माओवादी केन्द्रका अध्यक्ष पुष्पकमल दाहाल प्रचण्ड २०७३ सालमा प्रधानमन्त्री हुँदा उनी खानेपानी मन्त्री बनेका थिए । उनीसँगै अभिनेत्री करिश्मा मानन्धर समेत एमाले प्रवेश गरेकी छिन् ।
