नेपाल नागरिक उड्डयन प्राधिकरणले बक्यौता नतिरेका सात एयरलाइन्स कम्पनीलाई तोकिएको अवधिमा बक्यौता नतिरेमा कालोसूचीमा राख्ने भएको छ ।
अहिले सञ्चालनमा नरहेका तर बक्यौता फरफारक गर्न बाँकी रहेका ती कम्पनीहरुको लागि प्राधिकरणले एस्तो निर्णय गरेको हो ।
ती कम्पनीमा नेकोन एयर, शिवानी एयर, गोरखा एयर, माउन्टेन एयर, कस्मिक एयर, स्काइलाइन एयरवेज र एयर काष्ठमण्डप रहेका छन् । यी कम्पनीहरु अहिले सञ्चालनमा भने छैनन् ।
आइतबार एक सूचना निकाल्दै प्राधिकरणले यस्तो ताकेता गरेको छ । प्राधिकरणको बक्यौता नतिरेमा सरकारी बाँकी सरह असुल उपर गर्ने कानुन अनुसार सञ्चालकहरुको जायजेथाबाट असुल उपर हुन सक्ने प्रावधान रहेको छ ।
