म्यानमारमा कार दुर्घटना हुँदा कम्तीमा पनि सात जनाको मृत्यु भएको छ । शनिबार म्यानमारको पाथिन चागोथा भन्ने स्थानमा एक निजी कार सर्वाजनिक बससँग ठोक्किदा उनीहरुको मृत्युु भएको हो ।
सो कारमा सवार रहेका व्यक्तिहरु एकै परिवारका हुनसक्ने अनुमान गरिएको छ । तर प्रहरीले स्वतन्त्र पुष्टि गर्न भने बाँकी रहेको अस्पताल स्रोतले जनाएको छ ।
बसको ठक्करबाट घाइते भएका उनीहरुलाई अस्पताल पुर्याइएको थियो । तर गम्भीर रुपमा घाइते भएका सबैको सो अस्पतालमा निधन भएको थियो । मृत्यु हुनेमा तीन जना महिला र दुई बालबालिका पनि रहेका छन् । यस दुर्घटनामा परी बसका केही व्यक्ति घाइते भएका र उनीहरुको उपचार जारी रहेको स्रोतले जनाएको छ ।
