सिन्धुलीमा लागु औषध ‘खैरो हेरोइन’ सहित एक युवक पक्राउ परेका छन् । जिल्लाको दूधौली नगरपालिका–९ दूधौली बजारस्थित स्ट्यान्डर होटलबाट प्रहरीले उनलाई पक्राउ गरेको हो ।
पक्राउ पर्नेमा काठमाडौं महानगरपालिका–३१ रातोपुल घर भएका २८ वर्षीय रमेश महतो छन् ।
उनलाई १ ग्राम ९ सय ८० मिलिग्राम खैरो हेरोइनसहित विहीबार दिउँसो पक्राउ गरिएको जिल्ला प्रहरी कार्यालय सिन्धुलीले जनाएको छ । उनको साथबाट प्रहरीले ५५ ग्राम गाँजा पनि बरामद गरेको छ । जिल्ला प्रहरी कार्यालयले आरोपीबारे अनुसन्धान गरिरहेको छ ।
