त्रिभुवन अन्तर्राष्ट्रिय विमानस्थलबाट दुईजना महिला पक्राउ परेका छन् । पक्राउ पर्नेमा थाई नागरिक ३२ वर्षीया वानविसा जानतासन र ४१ वर्षीय वारापोर्न खुनसोमबत रहेको त्रिभुवन विमानस्थल सुरक्षा कार्यालयले जनाएको छ ।
उनीहरु फागुन २६ मा भिस्तारा एयरलान्सको उडानबाट भारतको नयाँ दिल्लीतर्फ जाँदै गरेको अवस्थामा उनीहरु पक्राउ परेका हुन् । उनीहरुको साथबाट प्रहरीले प्रतिबन्धित भारतीय रुपैयाँ बरामद गरेको छ । वानविसाको साथबाट २ हजार र ५ सय दरका १ लाख ७९ हजार ५ सय भारतीय मुद्रा बरामद गरेको छ । वारापोर्नको साथबाट भरतीय रुपैयाँ ५ सय दरका १ लाख १५ हजार बरामद गरिएको स्रोतले जनाएको छ ।
उनीहरुलाई अनुसन्धान र कारवाहीका लागी प्रहरीले राजस्व अनुसन्धान विभागको जिम्मा लगाएको छ ।
