अभिनेत्री करिश्मा मानन्धरले नेकपा एमालेमा प्रवेश गर्ने भएकी छन् । बिहीबार अध्यक्ष केपी शर्मा ओलीलाई भेट्न बालकोट पुगेकी करिश्माले चाँडै आफू एमाले प्रवेश गर्ने बताएकी छन् ।
आज ओलीलाई भेट्न एमाले सांसद नवराज सिलवाल र गंगा चौधरीसँग बालकोट पुगेकी करिश्माले भनिन्, ‘आज चाहिं भेटेर छलफल गरें ।’
आफ्नो ‘पोजिसन’अनुसार पार्टीले भूमिका दिनुपर्ने पनि उनले बताइन् । यसअघि डा. बाबुराम भट्टराई नेतृत्वको तत्कालीन नयाँ शक्ति पार्टीमा आवद्ध भएकी करिश्मा केही वर्षयतादेखि भने राजनीतिबाट टाढाजस्तै थिइन् ।
