तनहुँकाे दमौली बजारमा भीषण आगलागी भएको छ । दमौली बजारमा रहेको भूपाल हार्डवेयरमा आगलागी भएपछि आगो फैलिदै गएको हो ।
हार्डवेयर गोदाममा प्लाइउड, प्लास्टिकका सामान र रङ्ग भएकाले सल्केको आगो छिट्टै फैलिएर अहिलेसम्म त्यहाँका सात वटा घर जलेको जनाइएको छ ।
स्रोतका अनुसार आगो निभाउनका लागि काठमाण्डौदेखि पानीसहित सीम्रिक एयरको हेलिकप्टर उडिसकेको छ । यस्तै, आगोलाई फैलनबाट रोक्न डोजरले घर भत्काउने काम पनि भइरहेको छ ।
यस्तै, आगो निभाउन चितवन, लमजुङ, पोखरालगायत ठाउँबाट समेत दमकल मगाइएको जनाइएको छ ।
विद्युत् लाइन सर्ट भएर आगलागी भएको हुन सक्ने अनुमान गरिएको छ ।
