राष्ट्रिय प्रजातन्त्र पार्टी राप्रपाको महाधिवेशनबाट केन्द्रिय सदस्यमा निर्वाचित भएका अभिषेक थापाले पद तथा गोपनीयताको शपथ लिएका छन् ।
थापा राप्रपा परित्याग गरेर राप्रपा नेपालको जिम्मेवारी सम्हालेका कमल थापाका भतिजा हुन् ।
महाधिवेशनमा पूर्वराजा ज्ञानेन्द्र शाह र निर्मल निवासको सचिवालयले ‘हस्तक्षेप गरेको’ र सो घटनामा अध्यक्ष राजेन्द्र लिङ्देनले छलफल ‘नचलाएको’ भन्दै असन्तुष्ट कमल थापाले पार्टी परित्याग गरे पनि नयाँ पार्टीका लागि पारिवारिक सदस्यको साथ भने पाएका छैनन् ।
राप्रपा नेपालमा नगई अभिषेक राप्रपामा रहेका छन् । कमलकी छोरी प्रतिष्ठा थापा रायमाझी पनि राप्रपामै छिन् । गत महाधिवेशनवाट केन्द्रीय सदस्य प्रतिष्ठा निर्वाचित भएकी हुन् ।
