बेल्जियम अभिनेत्री केरोलिन कोलिन्डा फिल्मको प्रिमिएरका लागि भनेर नेपाल आएकी छन् ।उनी चलचित्र ‘लप्पन छप्पन २’ को प्रदर्शनका लागि सोमबार नेपाल आएकी हुन् । फिल्ममा उनको पनि अभिनय रहेको छ ।
मिस ग्लोबल नेदरल्यान्ड २०१७ कि विजेता कोलिन्डाले २०१९ मा इजिप्टमा आयोजित मिस इको इन्टरनेशनलमा मिस इको क्यारेबियन टाइटल समेत जित्न सफल भएकी थिइन् । मिस ग्रान्ड बेल्जियम र मिस टप मोडल बेल्जियन नेसनल निर्देशक समेत रहेकी कोलिन्डाले युरोपियन र हलिउड फिल्ममा समेत अभिनय गरेकी छन् । कोलिन्डाको नेपाली फिलम अभिनय भने ‘लप्पन छप्पन २’ पहिलो हो । नेपाली फिल्म अभिनय गर्न पाउदा आफुलाई निकै खुसी लागेको कोलिन्डाले बताइन् ।
शुक्रबार अर्थात् २० फागुनबाट प्रदर्शनमा आउने तयारीमा रहेको ‘लप्पन छप्पन २’ मुकुन्द भट्टले निर्देशन गरेका हुन् । स्वदेश र विदेशमा छायाङ्कन भएको फिल्ममा अन्तरदेशीय ग्याङस्टर, राजनीति, अपराध र शक्तिको दूषित परिस्थितिलाई चित्रण उक्त चलचित्रमा शिव श्रेष्ठ, सौगात मल्ल, अर्पण थापा, अनुपविक्रम शाही, लगायतका कलाकारको अभिनय छ ।
