काठमाडौको त्रिभुवन अन्तर्राष्ट्रिय विमानस्थलबाट करिब ८ लाख रुपैयाँ बराबरको सुनसहित एक युवकलाई पक्राउ गरिएको छ । दोहाबाट कतार एयरवेजको विमानबाट नेपाल आएका सप्तरीको मौवावेल्हीका ३६ वर्षीय एमडी सौकात अलीलाई प्रहरीले पक्राउ गरेको हो।
साथै उनको साथबाट अवैध रुपमा ल्याइएको ७ लाख ९८ हजार ९६३ रुपैयाँ बराबरको ९४.९ ग्राम सुनको दुईथान ब्रासलेटसमेत बरामद गरिएको स्रोतले जनाएको छ ।
अन्तराष्ट्रिय विमानस्थल सुरक्षा कार्यालयका प्रवक्ता श्रेष्ठका अनुसार उनलाई आवश्यक अनुसन्धान एवं कारबाहीको लागि सोमबार त्रिभुवन विमानस्थल भन्सार कार्यालय, गौचरणमा बुझाइएको छ ।
