प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ । बिहीबार बिहान ११ बजे प्रधानमन्त्रीको सरकारी निवास बालुवाटारमा देउवा र प्रचण्डबीच एमसीसीका सन्दर्भमा करिब १ घण्टा छलफल भएको हो ।
प्रतिनिधि सभा बैठक सुरू हुनुअघि प्रधानमन्त्री देउवा र माओवादी केन्द्रका अध्यक्ष ‘प्रचण्ड’बीच भेट भएको हो।
भेटमा प्रतिनिधि सभामा आज छलफलका लागि पेस हुने एमसिसीबारे कुराकानी भएको थियो। यसबारेमा के कुरा भयो भन्नेबारे भने बाहिर आएको छैन।
बालुवाटार पुग्नुअघि प्रचण्डसहित एकीकृत समाजवादी अध्यक्ष माधवकुमार नेपाल, एकीकृत समाजवादीका सम्मानित नेता झलनाथ खनाल, जनता समाजवादी पार्टीका अध्यक्ष उपेन्द्र यादव लगायतको छलफल भएको थियो।
