सिन्धुपाल्चोकमा २८ वर्षीया श्रीमतीको गरी हत्या गरेको अभियोगमा एक युवक पक्राउ परेका छन् ।
पक्राउ पर्नेमा जिलाको बलेफी गाउँपालिका-१ ठाटिकुना वनकाली बस्ने ३२ वर्षीय जीवन तामाङ रहेका छन् । उनले आफ्नै २८ वर्षीया श्रीमती लक्ष्मी बस्नेतको बञ्चरो प्रहार गरी हत्या गरेको आरोपमा पक्राउ गरिएको प्रहरीले जनाएको छ ।
दाउरा चिर्ने विषयमा विवादका कारण जीवनले आफ्नै श्रीमतीलाई बञ्चरो प्रहार गर्दा गम्भीर घाइते भएकी लक्ष्मीको जिल्ला अस्पताल चौतारामा उपचारको क्रममा मृत्यु भएको प्रहरीले जनाएको छ ।
प्रहरीका अनुसार जीवनलाई पक्राउ गरी यस घटनाका सम्बन्धमा आवश्यक अनुसन्धान भइरहेको छ ।
