नेकपा माओवादी केन्द्रका नेता तथा संसदीय दलको प्रमुख सचेतक देव गुरुङले एमसीसीबारे राष्ट्रिय सहमति आवस्यक रहेको बताएका छन् । यस्ता गम्भीर विषयलाई संसद्मा टेबल गर्नुअघि राष्ट्रिय सहमति आवश्यक रहेको उनको अडान थियो ।
संसद् अवरुद्ध भइरहेका बेला एमसीसी टेबल गर्न नहुने उनले बताए । ‘जसलाई जे मन लाग्यो त्यही टेबल गर्ने ? यो गठबन्धन सरकारको चरित्र भएन । यस्तो गम्भीर विषयलाई टेबुलमा लैजानुअघि आपसी सल्लाह र सहमतिबाट निर्णय गर्नुपर्ने थियो ।
उनले भनेका छन्, ‘संविधानलाई नै प्रभावित पार्ने विषयलाई टेबुलमा लैजान राष्ट्रिय सहमति आवश्यक पर्छ । संविधानको कुन धारा, दफा अनुसार छिर्ने भन्ने विधि आवश्यक हुन्छ । यसका लागि पहिले राष्ट्रिय सहमति गर्नुपर्छ ।’
