सशस्त्र प्रहरी बलले पर्साकोमा करिब चार किलो चरेस बरामद गरेको छ । वीरगञ्ज महानगरपालिका -१६ को कच्ची सडकमा अपरिचित व्यक्तिले फालेको झोला खोलेर हेर्दा टेपले बेरिएको आठवटा प्याकेटमा तीन किलो ९०० ग्राम चरेस फेला पारेको हो ।
सशस्त्र प्रहरी बल १३ नं गणबाट खटिएको प्रहरी टोलीले चेकप्वाइन्ट राखेको देख्नासाथ नेपालबाट भारततर्फ जाँदै गरेका एक जना व्यक्तिले तरकारी बोक्ने झोला फालेर भागेका थिए । बरामद चरेस आवश्यक अनुसन्धानको लागि जिल्ला प्रहरी कार्यालय पर्सामा बुझाइएको सशस्त्र प्रहरीले जनाएको छ ।
