रुपन्देहीको सम्मरीमाई गाउँपालिका अध्यक्ष जितेन्द्रनाथ शुक्ला माओवादी केन्द्र प्रवेश गरेका छन् । तत्कालीन फोरम लोकतान्त्रिक बाट निर्वाचित शुक्लालाई बिहीबार माओवादी अध्यक्ष पुष्पकमल दाहाल प्रचण्डले पार्टी प्रवेश गराएका हुन् ।
यस्तै ,कांग्रेसबाट निर्वाचित वडाध्यक्ष श्रवणकुमार यादवले पनि आज माओवादी केन्द्रमा प्रवेश गरेका छन् ।
यसअघि साविकको नेकपामा प्रवेश गरेका शुक्लले पत्रकार सम्मेलन गरी पार्टी परित्याग गरेको घोषणा गरेका थिए । पार्टीभित्र तानाशाही व्यवस्था लादिएको र चाप्लुसी गर्नेहरुलाई प्रश्रय दिइएकाले नेकपाभित्र बस्नुको औचित्य नरहेको भन्दै उनले परित्याग गरेका थिए ।
प्रतिनिधिसभा तथा प्रदेशसभा निर्वाचनअघि उनी एमाले प्रवेश गरेका थिए। शुक्लासँगै पत्नी पल्लवी शुक्ला पनि एमालेमा प्रवेश गरी रुपन्देही क्षेत्र नम्बर ४ ‘ख’ बाट प्रदेशसभा सदस्यको उम्मेदवार बनेकी थिइन्। तर, उनी पराजित भएकी थिइन्।
