रौतहटको ईशनाथ नगरपालिका–४ स्थित गहुबारीमा एक महिला मृत अवस्थामा फेला परेकी छन् ।
मृत्यु हुनेमा जिल्लाको मईशनाथ नगरपालिका–९ की १९ वर्षीया चाँदनी खातुन रहेको प्रहरीले जनाएको छ । उनको शव मुखमा कपडा कोचेको अवस्थामा लौतना र मठियाको बीचमा पर्ने ईशनाथ–४ स्थित गहुँबारीमा फेला परेको थियो ।
प्रहरीका अनुसार उनको चार वर्षअघि ईशनाथ नगरपालिका–७ का एक युवकसँग विवाह भएको थियो । विवाह भएपनि उनी माइतीमै बस्दै आएकी थिइन् । तर मृत्यु हुनुभन्दा अगाडि उनका श्रीमानले नै फोन गरेर बोलाएपछि चाँदनी राति घरबाट निस्किएको कुरा खुल्न आएको छ । घटना बारे अझै अनुसन्धान भइरहेको र शवलाई पोष्टमार्टम पछि हत्याको बारेमा थप कुरा खुल्ने प्रहरीले जनाएको छ ।
