ताप्लेजुङमा बिजुली बनाउने क्रममा पोलबाट खसेर नेपाल विद्युत् प्राधिकरण, ताप्लेजुङ वितरण केन्द्रमा कार्यरत एक कर्मचारीको मृत्यु भएको छ ।
मृत्यु हुनेमा फुङ्लिङ नगरपालिका-४ क्याम्पस लाइन बस्ने ४८ वर्षीय सूर्यप्रसाद केदेम लिम्बू रहेका छन् । सदरमुकाम फुङ्लिङ बजारको वीरेन्द्रचोक क्षेत्रमा बिजुली बनाउने क्रममा लिम्बू अचानक पोलबाट सडकमा खसेर घाइते भएपछि उपचारका लागि जिल्ला अस्पताल ताप्लेजुङ लगिएको थियो ।
प्रहरिका अनुसार उपचारका लागि तत्काल अस्पताल पुर्याइएका लिम्बूलाई चिकित्सकले मृत घोषणा गरेका थिए । यता घटनाका बारेमा थप अनुसन्धान भइरहेको जिल्ला प्रहरी कार्यालय ताप्लेजुङले जनाएको छ ।
