काठमाडौँको त्रिभुवन अन्तराष्ट्रिय विमानस्थलबाट एक किलो १५५ ग्राम सुन र चार ओटा आइफोन १३ प्रो म्याक्स मोबाइलसहित तीन जनालाई पक्राउ गरेको छ।
पक्राउ पर्नेमा मकवानपुरका २८ वर्षीय नवराज परियार , सिन्धुपाल्चोकका ३९ वर्षीय दावा छिरिङ शेर्पा र रौतहटका ३२ वर्षीय सुनील कुमार साह रहेका छन् ।
हिमालय एयरलाइन्स र एयर अरेबियाको विमानबाट दुबई र सारजहाबाट आएका उनीहरुलाई त्रिभुवन विमानस्थल सुरक्षा कार्यालयले विमानस्थलको आगमन टनेल गेटबाट बिहीबार पक्राउ गरि उनिहरुलाई बरामद सामानसहित आवश्यक अनुसन्धानको लागि त्रिभुवन अन्तर्राष्ट्रिय विमानस्थल भन्सार कार्यालयमा बुझाइएको अन्तर्राष्ट्रिय विमानस्थल सुरक्षा कार्यालयले जनाएको छ ।
