बारामा अवैध जंगलबाट अवैध रुपमा रुख कटानी गरी ट्याक्टरमा निजगढ-८ खयरघारी ल्याउँदै गर्दा दुईजना पक्राउ परेका छन् ।
पक्राउ पर्नेमा निजगढ नगरपालिका वडा नम्बर-४ पुरानो निजगढ बस्ने ३० वर्षीय राजकुमार चौधरी र एक जना १२ वर्षीय बालक रहेका छन् । अन टेस्ट लेखिएको ट्रयाक्टरमा ना.५ त. १०७ नम्बरको टेलर जोडेर काठ ल्याउँदै गर्दा प्रहरीले उनीहरुलाई पक्राउ गरेको हो । तर ट्याक्टर चालक भने फरार भएका छन् ।
७ फिट लम्बाई, ४ ईन्च चौडाई, ३ इन्च मोटाई भएको १६ थान चिरान सालको काठसहित उनीहरुलाई बिहीबार बिहान पक्राउ गरि ट्याक्टर सहित दुवैजनालाई आवश्यक कारबाहीका लागि डिभिजन वन कार्यालयमा बुझाउने तयारी भईरहको प्रहरीले जनाएको छ ।
