धनकुटामा टेम्पाे दुर्घटनामा परि चालकको ज्यान गएको छ । ज्यान गुमाउनेमा छथरजोरपाटी गाउँपालिका–१ हात्तिखर्कका ६० वर्षीय लालबहादुर दर्लामी मगरको रहेको प्रहरीले जनाएको छ ।
पचीयमोडबाट जिरोप्वाइन्टतर्फ जाँदै गरेको मे.१ ह ४४७४ नम्बरको टेम्पाे गएराति सडकको नालीमा पल्टेको हो ।
प्रहरिका अनुसार दुर्घटनामा गम्भीर घाइते हुनुभएका दर्लामीलाई उपचारका लागि जिल्ला अस्पताल धनकुटा पुर्याइएको थियो । अस्पताल पुर्याउनासाथ डाक्टरले मृत घोषित गरेका थिए ।
दुर्घटनाको कारणबारे थप अनुसन्धान भइरहेको प्रहरीले जनाएकाे छ ।
