सर्लाहीमा लागूऔषधसहित दुई जनालाई पक्राउ गरिएको छ । पक्राउ पर्नेमा मकवानपुरको कैलाश गाउँपालिका ५ बस्ने ३० वर्षीया करिश्मा मोक्तान र लालबन्दी नगरपालिका ८ बस्ने ४३ वर्षीय अख्तर हुसेन रहेका छन् ।
मलंगवा नगरपालिका बाट मोक्तानलाई लागूऔषध गाँजासहित पक्राउ गरिएको छ । प्रदेश ०२–००१–ह १४०२ नम्बरको टेम्पोमा सवार मोक्तानलाई २० किलो ९ सय ग्राम गाँजासहित पक्राउ गरिएको प्रहरीले जनाएको छ ।
कबिलासी नगरपालिका ८ बाट मलंगवाबाट नवलपुरतर्फ आउँदै गरेको एचआर २६ बीएफ १८७६ नम्बरको कारलाई जाँच गर्दा कारमा सवार हुसेनको साथबाट डाइलेक्स डिसी सय एमएलको ११ बोतल, नुफिन/फेरगन ११ एम्पुल र हाइटेक इन्जेक्सन ३ थान बरामद गरि उनिहरु बारे थप अनुसन्धान भइरहेको प्रहरीले जनाएको छ ।
