बलिउड अभिनेता कार्तिक आर्यन विवादमा परेका छन्। ‘शहजादा’ का निर्माता मनिष शाहले कार्तिकले चलचित्र छाड्ने धम्की दिएको खुलासा गरे पछि उनी विवादमा परेका हुन् ।
साउथका स्टार अल्लु अर्जुनको ‘अला वैकुण्ठपुरमलो’ जनवरी २६ तारिखबाट हिन्दी भर्सनमा रिलिज गर्ने तयारी गरिएको थियो । त्यसपछि आर्यनले यदि हिन्दी भर्सनमा चलचित्र रिलिज भएको खण्डमा चलचित्र नै छाडिदिने धम्की मेकरलाई दिए ।
यदि कार्तिकले चलचित्र छाडेको भए ‘शहजादा’को मेकरलाई ४० करोड घाटा लाग्ने पक्का थियो ।
चलचित्रको हिन्दी भर्सन हलमा रिलिज नहुँदा मनिष शाह र उनको टिमलाई २० करोड घाटा लागेको भारतीय सञ्चारमाध्यमले जनाएका छन् ।
निर्माता मनिष शाहले कार्तिकको यो व्यवहारलाई अव्यावसायिक भन्दै आलोचना गरेका छन् ।
