टि-२० अन्तर्राष्ट्रिय क्रिकेटमा नेपाली क्रिकेटर सोमपाल कामीको विश्व कीर्तिमानि वेष्ट इन्डिजका स्पिनर अकिल होसेनले तोडेका छन् ।
इंग्ल्याण्डविरुद्ध गएराति भएको दोस्रो टि-२० अन्तर्राष्ट्रियमा वेष्ट इन्डिजका होसेनले दशौँ नम्बरमा ब्याटिङ गर्दै अविजित ४४ रन बनाएपछि सोमपालको कीर्तिमान तोडिएको हो ।
अकिल होसेनले १६ बल खेल्दै ३ चौका र ४ छक्का प्रहार गर्दै अविजित ४४ रन बनाएका थिए । अब टि-२०आईमा दशौँ नम्बरमा ब्याटिङ गर्दै सर्वाधिक रन बनाउने कीर्तिमान हवसेनको नाममा हुनेछ भने सोमपाल दोस्रो स्थानमा हुनेछन् ।
सोमपालले सन् २०१४ नोभेम्बरमा श्रीलंकामा भएको हङकङविरुद्धको खेलमा दशौँ नम्बरमा ब्याटिङ गर्दै ४० रन बनाएर कीर्तिमान बनाएका थिए । सोमपालले ३१ बल खेल्दै ६ चौका र २ छक्का प्रहार गरेका थिए ।
