महोत्तरीमा एक मोटरसाइकल रिपियरिङ सेन्टरमा आगलागी हुँदा ३५ लाख रुपैयाँ बराबरकाे क्षति भएको छ ।
स्रोतका अनुसार जिल्लाको सोनमा गाउँपालिका– १ सोनमा बजारमा रहेको स्थानीय अनुरुद्र साहले सञ्चालन गरेको जयबाबा विश्वकर्मा मोटरसाइकल सेन्टरमा गएराति आगलागी भएकाे हाे ।
आगलागीबाट घर, मोटरसाइकल, मोटरसाइकलको टायर, ट्युब, ट्र्याक्टरका टायर, ट्युब, मोबिल र विभिन्न पार्टपुर्जासहित त्यहाँ रहेका सबै सामान जलेर क्षति भएको हो ।
दमकल सहित प्रहरीको सहयोगमा स्थानीय बासिन्दाले आगलागी नियन्त्रणमा लिएका थिए । आगलागीबाट मानवीय तथा पशुजन्य क्षति नभएको प्रहरीले जनाएको छ ।
