काठमाडौंको कलंकीमा बसको ठक्करबाट मोटरसाइकलमा सवार रुकुमपूर्व घर भइ काठमाडौको मनमैजु बस्ने २१ वर्षीय संगीत बुढामगर को मृत्यु भएको छ । मोटरसाइकल चालक भने घाइते छन् ।
स्वयम्भूतर्फ जाँदै गरेको बा ६ ख १४५९ नम्बरको बसले बागमती प्रदेश ०२–०२८ प ७६१४ नम्बरको मोटरसाइकललाई हिजो बेलुकी सवा ७ बजे कलंकीमा ठक्कर दिएको थियो ।
बसको ठक्करबाट गम्भीर घाइते भएका उनको उपचारको क्रममा कलंकीस्थित शहीद मेमोरियल अस्पतालमा हिजो बेलुकी पौने ८ बजे मृत्यु भएको प्रहरीले जनाएको छ ।
दुर्घटनामा परि घाइते भएका मोटरसाइकल चालक २३ वर्षीय विवित बुढामगरको उपचार कलंकीस्थित शहीद मेमोरियल अस्पतालमा भइरहेको छ ।
बस चालकलाई नियन्त्रणमा लिएको प्रहरीले जनाएको छ ।
