काठमाडौं महानगरपालिका वडा नम्बर ६ बौद्ध स्थित एक घरको कोठामा युवक र युवती मृत फेला परेका छन् ।
संखुवासभाका २५ वर्षीय अनिस जिमी र खोटाङकी २२ वर्षीया युसिना राई मृत फेला परेका थिए।
प्रहरीका अनुसार उनीहरू भिडियो गेम पब्जीबाट चिनजान भएपछी २०-२२ दिन अघिदेखि मात्रै लिभिङ टुगेदर बसेका थिए।
घटनास्थलबाट धारिलो हतियार पनि फेला परेकोले यसमा युवकले पहिले हतियार प्रयोग गरी युवतीको हत्या गरेपछि आत्महत्या गरेको हुनसक्ने प्ररम्भिक अनुसन्धानमा देखिएको प्रहरीको भनाइ छ।
यद्यपी यसको पुष्ट्याइ पोष्टमार्टम रिपोर्टले गर्ने छ । शवको पोष्टमार्टम गर्न शिक्षण अस्पताल लैजाने तयारी गरेको र घटनाबारे थप अनुसन्धान भइरहेको प्रहरीले जनाएको छ ।
