मोरिससमा जहाजको शौचालयभित्रको डस्टबिनमा एक जना नवजात शिशु फेला परेका छन्।संचार माध्यमका अनुसार अनुसार जनवरी १ मा माडागास्करबाट आएको एयर मोरिससको जहाजको नियमित चेकिङ गर्ने क्रममा शौचालयको डस्टबिनमा नवजात शिशु भेटिएका हुन्।
बच्चा जन्माएर शौचालयमा राखेको आशंकामा प्रहरीले एक जना महिलालाई पक्राउ गरेको छ। माडागास्करबाट काम गर्न भनेर आएकी ती २० वर्षीया युवतीको स्वास्थ्य परीक्षण गर्दा उनी हालै सुत्केरी भएको देखिएपछि उनलाई अहिले परीक्षण निगरानीमा अस्पतालमा राखिएको छ। बच्चाको अवस्था अहिले सामान्य भएको अधिकारीहरुले बताएका छन् ।
