राष्ट्रिय सभामा सदस्यका निर्वाचन प्रक्रियाका लागि आजबाट विभिन्न कार्यक्रमको सुरु हुने भएका छन् ।
आगामी माघ १२ गते १९ जना सदस्यमा लागि हुने मतदानका निमित्त आजदेखि निर्वाचन प्रक्रिया शुरु गरिने निर्वाचन आयोगले जनाएको छ ।
आजदेखि शुरु भएको निर्वाचन प्रक्रिया अन्तर्गत पुस २० देखि २५ गतेसम्म उम्मेदवारको अन्तिम नामावली, निर्वाचन चिह्न दिने कार्यक्रम र निर्वाचन आचारसंहिता लागू हुने आयोगले जनाएको छ ।
आयोगले निर्वाचन अधिकृत नियुक्त यसअघि नै गरिसकेको छ । मतदान स्थल र केन्द्र पनि तय गरिसकेको छ ।
