काठमाण्डौ, भाद्र २० “नि:शुल्क शिक्षा स्वास्थ्य रोजगार, भ्रष्टाचार विरुद्धको महाअभियान ‘हाम्रो नेपाल हामी नेपाली’ मुल नारा सहित प्रथम ललितपुर युवा संगठन गठन भएको छ । केन्द्रिय युवा संयोजक राजकुमार महर्जन ज्युको सभापतित्वमा र अभियानका संयोजक ज्ञानेन्द्र शाहि ज्युको प्रमुख आतिथ्यमा ललितपुर प्रथम जिल्ला युवा भेला आयोजना गर्दै सो ऐतिहासिक कार्यक्रम सम्पन्न भएको हो । कार्यक्रममा बिजय खड्गी, शक्ति शाही, बिनोद खड्का, मुस्कान के.सि. लगायत सम्पुर्ण केन्द्रिय सदस्यहरुको उपस्थिति रहेको थियो । महर्जनको सभापतित्वमा ललितपुर युवा संगठन गठन भाद्र १९ गते भएको कमिटीको भेलाले ललितपुर युवा संयोजक बिन्द्र लाल श्रेष्ठ, उप-संयोजक महेन्द्र सिलवाल, सचिव सुनिल मिजार, कोषाध्यक्षमा उज्वल खत्री सहित ६१ सदस्य सहित ललितपुरको प्रथम जिल्ला कमिटी गठन गरेको छ । कार्यक्रममा बोल्दै प्रमुख अतिथी सामाजिक अभियान्ता ज्ञानेन्द्र शाही ज्युले अहिलेको समृद्ध नेपाल वनाउनको लागि युवाहरुको ठुलै योगदान हुनुपर्ने र जो जहाँ भएपनी सबै एक भएर लाग्नुपर्ने कुरामा जोड दिनु भयो । विदमान नेपालको परिस्थिति र समाज निर्माणका लागि युवाहरुको ठुलै योगदान रहेको र भविष्यमा अझै एकचित्त भएर लागेमा देशको सम्मुन्नत बिकास पनि छिट्टै हुने कुरा पनि बताउनु भयो । त्यस्तै कार्यक्रमका संयोजक राजकुमार महर्जनले कार्यक्रम समापन गर्ने क्रममा सम्पुर्ण युवा अभियान्ताहरुलाइ बधाई तथा ऐतिहासिक कार्यसफलताको शुभकामना दिनु भएको थियो ।