सन् २०१८ मा पाकिस्तानमा क्रिकेटर इमरान खान प्रधानमन्त्री नियुक्त भए । नियुक्तिलगत्तै उनले सरकारी खर्च कटौतीलाई प्राथमिकतामा राखेर प्रधानमन्त्री निवासमा नबस्ने घोषणा गरे, जहाँ दर्जनौं वबलेट पु्रफ गाडी र सयौँ सुरक्षाकर्मी र कर्मचारी तैनाथ हुन्थे ।
उक्त प्रधानमन्त्री निवासलाई अनुसन्धान विश्वविद्यालय वनाउने घोषणा गर्दै उनी एकजना सैन्यसचिवको घरमा डेरा लिएर वसे । आम खर्च कटौतीको आह्वान गर्नु विग्रदो पाकिस्तानी अर्थतन्त्र पुनर्जीवनको लागि अनिवार्य थियो ।
नयाँ प्रधानमन्त्रीबाट यस्तो लोकप्रिय कार्यहरुको थालनी गर्नुले पाकिस्तानको मात्र होइन, सारा विश्वजगतकै ध्यान खिचेको थियो । सञ्चार जगतमा उनको यो कदम भाइरल भएसँगै उनको लोकप्रियता उत्कर्षमा पुग्यो । प्रधानमन्त्री त यस्तो हुनुपर्छ भनेर पाकिस्तानमा मात्र होइन, विश्वभरी नै सकारात्मक र प्रसंशनीय टिप्पणी भए ।
यता नेपालमा सन् २०११ मा डा. बाबुराम भट्टराई प्रधानमन्त्री नियुक्त भए । उनले पनि सादा जीवन र उच्च विचारको नीति अंगीकार गर्दै करोडौंको गाडी त्यागेर नेपालमै वनेको मुस्ताङ्गी जीप चढ्ने घोषणा गरे ।
