चिकित्सा विज्ञान राष्ट्रिय प्रतिष्ठान (न्याम्स) अन्तर्गतको वीर अस्पतालले भक्तपुरको दुवाकोटमा ल्याब तथा एक्सरे सेवा सुरु गरेको छ ।
स्वास्थ्य तथा जनसंख्या मन्त्रालयका सचिव डा. रोसन पोखरेलको उपस्थितिमा शुक्रबारबाट यो सेवा सञ्चालनमा ल्याइएको हो ।
कोरोनाअघि क्लिनिक सञ्चालन गर्दै आएको स्थानमा नै वीरले प्रयोगशाला र एक्सरे सेवा सुरु गरेको अस्पताल प्रमुख डा. भुपेन्द्रकुमार बस्नेतले जानकारी दिए ।
उनका अनुसार अबको केही महिनाभित्रमै दुवाकोटमा विशेषज्ञ सेवा सञ्चालन गर्ने तयारी छ ।
पुरानो भवनबाटै क्लिनिक, ल्याब, प्रयोगशाला सञ्चालन गर्न एक चिकित्सकसहित ६ जना स्वास्थ्यकर्मी खटाइएको छ ।
